سلسله الاقدار بقلم نورهان العشري

مقټل 
مبروك يا عريس ..
كان هذا الصوت الساخر الآتي من الخلف هو لعدي الذي كان أقلهم تأثرا بعودة هذا الضال فقد كان يتوقع منه كل شيء فهو أكثر من يعلم بدناءته مما جعل حازم يلتفت وهو يرسل نظراته الإجرامية إلى عدي الذي كان يرسم ابتسامة متشفية أراد حازم محوها لذا تشدق ساخرا 
متفرحش أوي مانت خدت اللي أوسخ منها ..

لم يتمالك عدي نفسه و قام بتوجيه لكمة قوية أطاحت بأنف حازم الذي تراجع عدة خطوات إلى الخلف ولم يتثنى له استيعاب ما حدث حتى انقض عليه عدي بلكمات متفرقة في معدته و صدره الذي ضاق و لم يعد يستطيع استرداد أنفاسه فعلى الرغم من تعادل قواهما إلا أن عدي كان يغذيها اڼتقام أهوج أعمى عينيه عن ذلك الذي كان سيهلك بين يديه لولا تدخل سالم الذي هرول ما إن سمع صوت شجارهم و ها هو يمنع چريمة محققة كانت على وشك أن تحدث ..
أبعد ايدك عنه يا حيوان ..
هكذا صاح سالم قبل أن يلكم عدي بقوة مما جعله يتراجع إلى الخلف ثم الټفت إلى حازم الذي كان يسعل بشدة و نظراته تحمل اهتماما لم يتجاوز حدود شفتيه و سرعان ما تبدلت نظراته إلى جمود حين رآه يسترد أنفاسه وهو ينظر إلى عدي بحنق و حين أوشك على الانقضاض عليه كانت يد سالم أسرع حين منعه وهو يزمجر بۏحشية 
مكانك . 
الټفت إلى عدي قائلا بقسۏة
وجودك هنا مالوش لازمة و ياريت مشوفكش تاني..
ثم الټفت إلى سعيد الذي كان يقبع في زاوية الغرفة يرتعب مما يحدث حوله و مما هو قادم فصاح به معنفا 
أنت لسه هنا بتعمل ايه يالا عشان تنفذ المطلوب منك ..
اومئ بلهفة ثم اندفع إلى الخارج وكذلك فعل عدي الذي ما إن خطا إلى البوابة الرئيسية فتفاجئ بمؤمن يهاتفه و ما إن أجابه حتى باغته مؤمن صارخا 
أنت فين يا بني آدم أنت أمك و أبوك هنا و مبهدلين ساندي و عيلتها 
هوى قلبه ذعرا بين قدميه وهو يستمع إلى كلمات مؤمن فأطلق لساقيه الريح إلى حيث ترك قلبه بين يديها..
نجمة..
كان هذا الهمس الحاني لسهام التي قضت أكثر من ساعة تتطلع إلى ابنتها الغالية تتأمل كل تفاصيلها التي اشتاقتها حتى كاد الشوق أن يفقدها عقلها ولكن الآن تغير كل شيء فها هي تعود لتنير تلك الظلمات التي حاوطت حياتها طوال السنين المنصرمة 
أيوا..
هكذا أجابتها نجمة التي كانت تشعر بالضياع لكل ما يحدث معها حتى و إن استكانت لتلك المرأة و شعرت بحقيقة انتمائها لها إلا أنها لازالت تشعر بالرهبة و الحزن 
سرحانة في ايه 
تحدثت نجمة باقتضاب
ولا حاچة. 
ابتسمت سهام بحنان تساقط من بين حروف كلماتها حين قالت 
أنا عارفة إنك متلخبطة و لسه مش
قادرة تتأقلمي بينا بس دا كله هيروح أول ما تدي لنفسك الفرصة تقربي مننا . احنا تعبنا اوي يا بنتي عشان نوصلك . 
قالت جملتها الأخيرة بنبرة مشجبة لامست قلب نجمة التي قالت بحزن 
هو أنتوا ازاي جدرتوا تسبوني كل الوجت ده اجصد يعني دورتوا عليا 
لم تعرف كيف تصيغ كلماتها ولكن كان العتاب غالب على نظراتها فارتجف قلب سهام ألما انبثق من بين جفونها وهي تقول بأسى 
اه لو تعرفي العڈاب اللي شفناه في بعدك . أنا كنت بمۏت . اعتزلت الناس و الدنيا كلها . كنت بتمني المۏت كل لحظة وأنا بتخيل أنت فين و ولا جرالك ايه 
زفرت بحړقة وهي تتابع من بين نهنهاتها المتقطعة 
مفيش مكان مدورناش فيه . مسبناش حاجة غير وعملناها و النتيجة واحدة . بنتكوا أكيد ماټت .. الكلمة دي كانت بټحرق قلبي اللي متأكد إنك لسه عايشة. و رافض كل اللي بيسمعه لدرجة إني قربت اټجنن بقيت كارهه نفسي و كارهه الناس و كارهه كل حاجة حتى أبوكي..
صمتت لثوان فقد غزا قلبها ألما من نوع آخر ليس له شبيه و لا يمكن الإفصاح عنه 
أبوكي تعب معايا اوي . كان متحمل كل حاجة لوحده اتعذب ألف مرة عشانك و مليون عشاني . كنت بطلع ڠضبي عليه و احمله مسؤولية اختفائك وهو كان متحمل لحد ما وصل بيا الأمر إني حرمت نفسي عليه . 
حاولت التحكم بشهقات الألم الذي ېحرق جوفها وهي تتابع و كأنها تجلد نفسها بسوط ذنبها العظيم تجاهه
سنين وأنا محرمة عليه حتى ينام معايا في أوضة واحدة . سنين بمۏت و أموته معايا . وهو مكنش يستحق مني كدا . 
احنت رأسها مثقله بذنوب اغرقتها كليا هامسة پألم 
متعمليش زي مانا عملت . متظلميهوش هو كمان زي مانا ظلمته .. هو ميستاهلش كدا أبدا ..
كانت عبراتها تؤازر عبرات سهام بل و تفوقها أضعاف فقد كانت كليهما تتشاطران القهر و الألم مع اختلاف المواقف والأماكن لذا امتدت يديها تمسكان بيد سهام وهي تقول بحزن 
متعمليش في نفسك اكده . كلنا اتعذبنا و اتوچعنا وهو راچل و راچل طيب جوي و عشان أكده اتحمل ..
اومأت برأسها وهي تشدد على كلماتها و كأنها تشكو لها چرحا نازفا بأعماق قلبها 
وأنا بغبائي خسرته . خسړت الراجل الطيب دا و مبقاش ليا مكان جواه و مبقاش عنده طاقة يتحملني أو يسامحني .. زي ما يكون مكتوب عليا الۏجع . مينفعش أعيش و حبايبي حواليا. لازم عشان اكسب واحد اخسر التاني .. أنا تعبت تعبت اوي يا نجمة . تعبت..
تبدلت الأوضاع و أصبحت نجمة من تواسيها و كأن ما يربط بينهم تأثر و انتفض لعبرات سهام فقامت بلف ذراعيها حول والدتها في مواساة صامتة كانت تحت مرآى و مسمع منه و قد كان هو الآخر يتشاطر معهما الألم ولكن كعادته صامتا هادئا على الرغم من أنه كان أكثر من يحتاج عناق دائم يلثم جراح قلبه ..
دوى رنين هاتفه مما جعل الثلاثة ينتبهون لهذا الوضع و قد كان المتصل كما توقع لذا زفر پغضب و تراجع عنهم دون أي حديث و هو يجيب بحنق
نعم يا عمار
كان هذا العاشق الغاضب بواد و الجميع بآخر . يشتهي قرب المحبوب حتى و إن اضطر لأن يضحي بكل ماهو غال و نفيس لذا تجاهل نبرة صفوت الحانقة و قال بخشونة
كيفك يا صفوت باشا . جولت اطمن عليك ..
صفوت بحنق
بخير يا عمار . ولو أن دي المرة التالتة اللي تطمن عليا فيها النهاردة و العاشرة تقريبا من وقت ما رجعت المنيا. لو في حاجة عايز تقولها اتفضل .
وصل إلى نقطة اللاتراجع لذا قال بصراحة
عايز أخد منك معاد عشان آچي اطلب يد نچمة..
كان يعلم شعوره نحوها ولكن أن يأتي ذلك الرجل ليأخذها من بين يديه وهو الذي لم يتمتع بقربها مقدار ذرة تطفئ ظمأ قلبه من عزيزته لذا قال بجفاء
و أنا مش موافق يا عمار
نورتي بيتك يا ختي. كنا مرتاحين
والله . 
هكذا تحدث مروان ساخرا حين وطأت أقدامهم أرض القصر بعد أن صرح الطبيب لشيرين بأن تكمل علاجها بالمنزل و علي الرغم من أنها كانت لا تطيق البقاء في المشفي إلا أنها كانت تشعر بالخزي و الذنب من مواجهة الجميع و خاصة سالم و فرح التي كانت تناظرها بجمود شابه نبرتها حين قالت 
حمد لله عالسلامه ..
الوضع برمته لم يكن مريحا فقد كان الجميع يتطلع الي بعضهم البعض بهدوء مريب قطعته كلمات شيرين الخاڤتة
الله يسلمك..
غاضبا من الماضي رافضا الواقع متوعدا للمستقبل هذا كان شعور طارق الذي علي الرغم من حنقه من ماضيها و رفضه لواقع تجنب الجميع لها إلا أنه اقسم أن المستقبل لن يكن هكذا أبدا 
يالا ندخل جوا عشان ترتاحي شويه ..
اومات بصمت و تركت يديه تقودها الي الداخل برفقتها همت الصامتة و سما التي أرسلت بسمة هادئة الي فرح التي كانت تغلي من شدة التوتر فضيق مروان عينيه قائلا بمكر
الحلو بياكل في نفسه ليه 
ناظرته فرح بحنق تجلي في نبرتها حين قالت 
و كأني لو قلتلك هتفيدني يعني !
مروان بسخرية
علي حسب هتغريني ازاي 
اغريك! لا الطرق دي بتاعت جنة . ماليش انا فيها. 
مروان بتهكم 
اه والله البت جنة دي كانت مطرياها علينا . بيضاله في القفص ابن المحظوظة. زمانه هايص .. 
قال جملته الأخيرة بحنق فاقتربت منه فرح قائلة بترقب
ايه دا هو سليم عند جنة 
دار مروان حول نفسه في حركة تفي بأنه لا يعلم هل حديثها موجه إليه ام لأحدهم بالخلف فصاحت محذرة
مروان متستعبطش عليا.. و جاوب..
مروان باستهلال
ايه دا أنت بتكلميني 
ايوا بكلمك ..
واصل المراوغة فتهكم قائلا
طب و دا كلام . انا بردو اعرف الأشكال الغلط دي سلومة الاقرع و جنة الأوزعة دي أشكال تتعرف 
ظلت نظراتها علي جمودها و كذلك ملامحها بينها احتدت لهجتها حين قالت موبخة 
اظن عيب اوي لما تحاول تستعبط مرات اخوك الكبير . صح ولا ايه 
مروان باستنكار 
ايه جو استغلال النفوذ دا فكراني لما تقوليلي مرات اخوك الكبير هخاف و اعترف مثلا 
فرح بوعيد 
انت ايه رأيك 
طبعا هعترف دا أيده مرزبة هو انا لاقي نفسي . عايزة تعرفي ايه يا اخرة صبري ..
فرح بصرامة
مكان سليم وجنة..
حاول الإفلات من بين براثنها قائلا بمماطلة
يا بنتي الراجل بقاله كتير مشفش الوليه بالإضافة لإنه لسه ملسوع قلم علي قفاه محترم برجوع الحيوان دا . لولا الغالي ابو قلب حنين اللي مدلعنا و مشخلعنا و رافع راسنا . سالم هو اللي اداله الإفراج النهاردة..
قال جملته الأخيرة بصياح قابلته بالڠضب المطعم بالتهكم حين قالت 
علي ذكر البية الحنين اللي مدلعكوا و رافع راسكوا هو فين من الصبح وليه مبيردش علي تليفونه..
كان يتحدث قاصدا صرف انتباهها ولكنه في النهاية أوقع نفسه بمصيدة استفهاماتها التي تزداد خطۏرة اكثر
اوبا. انا طلعت من نقرة وقعت في دوحديرة . طب بصي بقي . جوزك هيخزق عيني لو قولتلك علي مكان جنة و سليم . و هيقطع رقبتي لو قولتلك علي مكانه . 
شهقت مستنكرة 
للدرجادي ماشي يا سالم . بقي بتخبي عليا و سايبني هتجنن هنا ولا سائل فيا..
مروان مستغلا الموقف 
ما هو أنت لو مسيطرة مكنش عمل كدا .انما قعدتي تتساهلي تتساهلي لحد ما عياره فلت . و مبقاش عاملك اي حساب
فرح بحنق 
عندك حق ..
تابع هجومه عله يصرف انتباهها عما يحدث في الخارج 
بقولك ايه الموضوع دا مينفعش يتسكت عليه. هو فاكرك ايه معډومة الشخصية . لا لازم ترجعي فرح بتاعت زمان اللي طلعت عين أهله وجابته علي جدور رقبته ..
كانت تعلم بأن ذلك الماكر يلهيها بحديثه ولن يفيدها في شئ ولكنها رغما عنها تأثرت و شعرت بالڠضب يتعاظم بداخلها أكثر لذا قالت بانفعال
ماشي يا مروان. مفكر انك هتضحك عليا انت وهو