ريهام

 

 دلوقتي لان مده الايجار خلصت
جوزي قعد يضحك وقال له ايجار ايه؟ ده قصر جوز بنتي.. قال له جوز بنتك مين؟ القصر ده بتاعي..  وكان في واحد ماجره مني لمده شهر والمده خلصت اتفضلو خدو حاجتكم واتكلو علي الله
وقتها بس فهمنا الي حصل.. ايوه
فهمنا ان الراجل الخليجي ده كان هدفه  ببنتي لمده اسبوعين مقابل شويه دهب وفلوس وعيشنا في الوهم  والاحلام

اخدنا بعضنا ومشينا من القصر واحنا مش قادرين نبص في وش بعض وشايفين بنتنا مكسوره ومحدش فينا قادر يتكلم معاها ولا حتي يبص لها لان كل واحد فينا غرقان في المصېبه الي حصلت لنا.. 
رجعنا علي بيتنا والناس لما شافونا عرفو الي حصل وزي ما خبر جواز نسمه انتشر كمان الخبر ده انتشر وزي مانتم عارفين الاحياء الشعبيه دبه النمله بتتعرف فيها وتنتشر
جوزي راح يدور علي الماذون الي كتب الكتاب علشان ياخد منه قسيمه جواز نسمه طبعا ملقاش ماذون ولا شهود ولا عقد جواز ولا اي حاجه كله تمثيل في تمثيل.. وقتها عرفنا اننا ضيعنا بنتنا ببلاش.. مقابل شويه دهب ..
استسلمنا للامر الواقع و رجعنا نعيش حياتنا زي الاول بس للاسف الناس مسابوناش في حالنا فضلو يتكلمو في الي حصل.. كلنا ضهرنا اتكسر .. جوزي بطل يخرج من البيت ولا يشوف حد ولا يكلم حد .. وبعد شهر .. فجاه من غير مقدمات .. جوزي ماټ.. ايوه ماټ من القهر والحزن والحسره علي بنته الي رماها في الڼار بايده.. باعها بسبب الطمع انه يعيش عيشه مش بتاعته.. بس الغلط مش غلطه لوحده .. انا كمان غلطانه اني طاوعته وممنعتوش
بعد مجوزي ماټ بفتره بدات ادور علي شغل علشان نعيش انا وبناتي لحد ملقيت ست طيبه بتشتغل خياطه وافقت اني اساعدها 
كنت شايفه بنتي الي كانت ورده مفتحه دلوقتي بتدبل يوم بعد يوم .. وحاسه بالذنب ان ابوها ماټ بحسرتها ومش قادره تروح المدرسه تكمل دراستها لان زميلاتها بيعايروها بالي حصل
حياتنا اتبدلت في غمضه عين بسبب الطمع..
انا بحكي لكم حكايتي علشان تكون عبره ودرس لكل اب وام بلاش تخلو الطمع يعمي عينيكم عن الطريق الصح
مهما كانت حياتكم صعبه لازم تكافحو وتتحملو لحد متوصلو بولادكم لبر الامان...
...................................
.........