قصه شاب و فتاه
المحتويات
في يوم فرحي بعد كتب كتابي على طول لقيت حماتي أخدتني في أوضة جانبيه عندهم وادتني كوباية مياة وقالتلي اشرب
ايه دا طيب
دي مياة مقري عليها عشان تحفظكم
مقري عليها ايه
هيكون مقري عليها أغنية عبدالباسط بتاعت انا مش عارفني مقري عليها أذكار يا ابراهيم ماتشرب بقا وماتتعبنيش
طب بنتك شربت
طب اديهالها تكمل انا مش عطشان
ماهو انت لازم تشرب منها انت كمان
ولا مفعول ولا مضاف إليه يا ستي انا بخاف من الحاجات دي
لو ماشربتش ممكن تتربطوا فتشوفك قرد لا سمح الله
تشوفني قرد!!
أماااااال بصوت فريد الديب المحامي وممكن انت تشوفها عرسه ولا سحلية
يا بني البلد كلها حاسداكم وناظراكم وقرايبك أه منهم قرايبك دول
مالهم دول كمان
شوفتهم في المنام عاملين زي تعابين وحيات
طب وقرايبكم
عقارب وبرايص
هو انا ليه حاسس ان احنا هنتزف في حديقة الحيوانات
انت تعبتني معاك
طب خدي منها بوق انتي الأول
ماينفعش دي معموله مخصوص ليكم انتوا الاتنين
وانا مش هطلع البت الا اما تشرب انا مش مستغنية عنها ابدا تلوشها حاجه كده ولا كده
طب هاتي الكوبايه وانا هشرب لوحدي
لا لازم اشوفك وانت بتشربها قدام عيني
طب بصي انا مش هشرب دلوقتي يا حماتي مش عارف أبلع حتى ريقي سيبيني بس اخد بنتك ونروح القاعة عشان اتأخرنا واهو السهرة لسه مطولة وهبقا أشرب واحنا هناك ف الفرح قبل ما نروح على شقتنا
أمري لله بس مش هتدخلوا ابدا قبل ما تشرب
روحت بعدها خدت العروسة وروحنا القاعة لكن حماتي فضلت زي الناضورجي حواليا راحت فضت كوباية المياة دي تقريبا في ازازة مياة صغيرة وكل شويه تيجي جنبي وتقولي
ها عطشت
لسه
تغيب وتروح وتيجي تقول
ها عطشت
الرقص يشتغل والشباب تهيص والدنيا تروح وتيجي ودي واقفالي
خلاويص
لسه
لغااااية ما كنا خلاص
هنقوم نمشي فبدأت وقتها بجد أشوف بنتها بتتحول بقا شكلها بيتغير بجد حسيت اني أول مرة أشوفها كأني قبل كده كنت بشوف وشها دا طاقة نور وخلاص ودلوقتي بدأ يظهرله ملامح
والغريب انها كانت
متابعة القراءة
