قصه واقعيه

رجعت بنص الليل من المطار وجاية وكلي لهفة وحيوية وأخيرا راح أستقر ببلدي وراح أشوف أهلي من بعد غياب 3 سنين
أهلي اللي عشت معهم أحلى أيام حياتي
أهلي اللي ما شافو إبني وأول فرحتي
طل الطريق وأنا بحكي لزوجي كيف بدها تكون ردة فعلي لما أشوفهم..
وزوجي بدل ما يحبر بخاطري بكلمتين حلوين حكالي بالأول شوفي ردة فعلهم لما يشوفوا بيتك الجديد وشوفي كيف حيكون الطمع بعيونهم وكيف اخوانك راح يبلشو طلبات وكيف إنتي راح تصيري تصرفي عليهم..

من صتي ضليت ساكتة..
معقول زوجي نسى كيف أهلي سكنونا معهم أول ما تزوجنا وكيف كانوا يساعدونا ويصرفو علينا.. وشو عملو لما طلع لزوجي شغل بر البلد.. ونسى لما أبوي راح باع سيارته وأعطى حقها لزوجي عشان تكاليف السفر 
نسى أصله وفصله وهلأ بعد ما صار غني صار بده يتكبر ويتجبر..!
ما رضيت أن كد ع حالي وافكر بكلامه وافتحله مجال يجرحني وضليت افكر كيف بدي استقبل أهلي 
نمت وصحيت وأنا فرحانة ومبسوطة وقديش كان شعوري رهيب وكله حياة لما سمعت صوت جرس البيت وهو برن.. رحت ركضت وفتحت الباب وهجمت عي أبوي وأمي وحضن تهم وصرت انهمار الدموع من عينها
وسلمت عي أخواني سندي وروحي
استقبلتهم أحلى استقبال.. ضحكنا وحكينا كتير.. وإبني كان بتنقل من بين ايديه لحضن
بس طل القعدة وأبوي بتطلع عي.. عينه ما غابت عني ولا لحظة.. كان بيتطلع وبضحك
رحت عي غرفتي وطلت فلوس كنت أخبيهم من راتبي عشان أسد أبوي المصاري اللي صرفهم علينا قبل ما نسافر ورحت عشان اعطيه اياهم وطبعا هو ما قبل ياخد ولا تعريفة وحكالي يابا انتي قطعة منى كيف بدي احاسبك عي اشي دفعته لقطعة من قلبي
ابنها صار يضحك وحكاله يلا يا عم بلاش دلال زايد والله عينك نطت عالمصاري خذهم بلاش تمثيل..
الكل سكت وبين عي وجههم لزل من كلام ابنها بس ما حد ناقشه ولا حكوله إشي..أبوي قام وقال لجوزي يكثر خيرك يا عم ما قصرتو عالغدا والضيافة وان شاء الله بيتكم عامر..
ولما صاروا بدهم يروحو تنكدت وحكيتلهم خليكم بس كمان شوي.. ما شبعت منكم
 حكتلي بكرا تعالي انتي وزوجك وابنك عنا طل اليوم بتتغدوا وبتسهروا وبتروحوا المسا
رجع زوجي ضحك وصار يحكي لأمي بدنا نفس عزيمتنا إلكم مش تعزمونا عي حمص وفلافل.. 
وحملو حالهم وروحوا
بس لما طلعوا سيت بشعور غريب قلبي صار ينبض بسرعة زي كإني خفت من إشي بس مش عارفة شو هو
رحنا عند بيت حماي وانا مش عارفة مالي.
والمسا رن تلفون زوجي وكانت هون لصة..
أبوي صابته جطة وأخذوه عالمستشفى
رحتله بسرعة وأنا بحكي بعقلي إن شاء الله ما بكون صايرله إشي وبس وصلت لقيت پتبكي وأخواني بحكولي حنين أبوكي ماټ
وبس وصلت لقيت  پتبكي وأخواني بحكولي حنين أبوكي ماټ
لأ مستحيل اصدق.. كلكم بتكذبو عي أبوي لساته عايش
طيب لسة بدي أشبع منه.. بدي أشم ريحته.. بدي أتذكر طفولتي بعيونه.... بدي أبوي
نهرت وصرت بعالم تاني..
جابو أبوي عالبيت وهو بكفن